8:55 PM
Unknown
ദോഹ: ന്യൂനപക്ഷ അധ:സ്ഥിത ജനവിഭാഗത്തിന് കൈവന്ന വൈജ്ഞാനിക മുന്നേറ്റത്തിന്റെ കുതിപ്പിന് നാന്ദികുറിച്ചത് സി.എച്ച് മുഹമ്മദ് കോയയെന്ന ഭരണകര്ത്താവിന്റെ ദീര്ഘവീക്ഷണത്തോടെയുള്ള പ്രവര്ത്തനങ്ങളായിരുന്നുവെന്ന് മുന് വിദ്യാഭ്യാസ വകുപ്പ് മന്ത്രി ഇ.ടി മുഹമ്മദ് ബഷീര് എം.പി അഭിപ്രായപ്പെട്ടു.
വിദ്യാഭ്യാസ വകുപ്പ് കൈകാര്യം ചെയ്ത സി.എച്ച് ദീര്ഘവീക്ഷണത്തോടെ നടപ്പിലാക്കിയ വിദ്യാഭ്യാസ മുന്നേറ്റ പ്രവര്ത്തനങ്ങളാണ് പിന്നീട് വന്ന ഭരണാധികാരികള്ക്ക് കേരളത്തിലെ വിദ്യാഭ്യാസ മേഖലയെ ഇന്നത്തെ നിലയില് പ്രശോഭിതമാക്കാന് സഹായകരമാക്കിയതെന്നും അദ്ദേഹം തുടര്ന്നു.
ഇന്ന് നാട്ടില് തല ഉയര്ത്തി നില്ക്കുന്ന മുഴുവന് ഉന്നത വിദ്യാഭ്യാസ സ്ഥാപനങ്ങളും സി.എച്ച് തുടക്കംകുറിച്ചുപോയ വൈജ്ഞാനിക വിപ്ലവത്തിന്റെ ഉത്പന്നങ്ങളാണ്. തന്റെ സമുദായത്തിന് അര്ഹമായത് പിടിച്ചുപറ്റുമ്പോഴും സഹോദര സമുദായങ്ങളുടെ അവകാശങ്ങള് സംരക്ഷിക്കപ്പെടുന്നു എന്ന് ഉറപ്പ് വരുത്താനും സി.എച്ച് ഏറെ ശ്രദ്ധിച്ചു. അതിന്റെ പരിണിതഫലമാണ് കേരളത്തിലെ സൗഹാര്ദ്ദാന്തരീക്ഷമെന്നും അദ്ദേഹം പറഞ്ഞു.
സി.എച്ചിനുശേഷം വന്ന ഭരണാധികാരികള്ക്ക് സംസ്കൃത സര്വകലാശാലയും മലയാളം സര്വകലാശാലയും സ്ഥാപിക്കാന് പ്രചോദനമായതും സി.എച്ച് ഉയര്ത്തിപ്പിടിച്ച ഉന്നത മൂല്യങ്ങളില്നിന്നും ഊര്ജ്ജം ഉള്കൊണ്ടുകൊണ്ടാണെന്നും ഇ.ടി പറഞ്ഞു.
ഖത്തര് കെ.എം.സി.സി കോഴിക്കോട് ജില്ലാ കമ്മിറ്റി സംഘടിപ്പിച്ച സി.എച്ച് അനുസ്മരണ സമ്മേളനം 'സ്മൃതി പഥങ്ങളില് സി.എച്ച്' അനുസ്മരണവും പൊതു സമ്മേളനവും കെ.എം.സി.സി ഓഡിറ്റോറിയത്തില് ഉദ്ഘാടനം ചെയ്യുകയായിരുന്നു ഇ.ടി.
സി മോയിന് കുട്ടി എം.എല്.എ മുഖ്യ പ്രഭാഷണം നടത്തി. മുസ്ലിം ലീഗ് കോഴിക്കോട് ജില്ലാ ട്രഷറര് പാറക്കല് അബ്ദുല്ല, സംസ്ഥാന കെ.എം.സി.സി ജനറല് സെക്രട്ടറി അബ്ദുല് നാസര് നാച്ചി, കെ എം സി സി സംസ്ഥാന ഉപദേശകസമിതിയംഗം എസ്.എ.എം ബഷീര്, പേരാമ്പ്ര മണ്ഡലം മുസ്ലിം ലീഗ് പ്രസിഡന്റ് എ.വി അബ്ദുല്ല, താമരശ്ശേരി പഞ്ചായത്ത് മുസ്ലിം ലീഗ് സെക്രട്ടറി പി.എസ് മുഹമ്മദലി പ്രസംഗിച്ചു.
സംസ്ഥാന കെ.എം.സി.സി ട്രഷറര് തായമ്പത്ത് കുഞ്ഞാലി, എ.പി അബ്ദുര്റഹ്മാന്, നിഅ്മതുള്ള കോട്ടക്കല്, എം.പി ഷാഫി ഹാജി, അബ്ദുല് ഖാദര് ഹാജി ഹറമൈന് സംബന്ധിച്ചു. സാമൂഹ്യ സുരക്ഷാ പദ്ധതി സീറോ ബാലന്സ് നേട്ടം കൈവരിച്ചു കുടിശ്ശിക രഹിത മണ്ഡലമായി പ്രഖ്യാപിക്കുന്ന കൊടുവള്ളി നിയോജക മണ്ഡലം കമ്മിറ്റിക്ക് ജില്ലാ കമ്മിറ്റിയുടെ ഉപഹാരം പറക്കല് അബ്ദുല്ലയില് നിന്നും ഉമ്മര് പൂനൂര്, പി.സി മജീദ് എന്നിവര് ഏറ്റുവാങ്ങി.
ജില്ലാ കെ.എം.സി.സി മലബാര് മഹോത്സവം 2014 ബ്രോഷര് പ്രകാശനം കലോത്സവം ചെയര്മാന് അന്വര് ബാബു വടകര, കായികോത്സവം ചെയര്മാന് അസീസ് നരിക്കുനി, മിജിയാസ് മുക്കം മുജീബ് ദേവര്കൊവില് എന്നിവര് പ്രകാശനം ചെയ്തു. ബഷീര് ഖാന് കെ.പി, മുഹമ്മദ് അലി കെ.കെ.വി, ഫൈസല് അരോമ എന്നിവര് അതിഥി കള്ക്ക് ജില്ലാ കമ്മിറ്റിയുടെ ഉപഹാരങ്ങള് നല്കി കെ.കെ മൊയ്തു മൗലവി പ്രാര്ത്ഥന നടത്തി. ആക്ടിംഗ് പ്രസിഡന്റ് പുതുക്കുടി അബൂബക്കര് അധ്യക്ഷത വഹിച്ചു.
ജില്ലാ ജനറല് സെക്രട്ടറി ജാഫര് തയ്യില് സ്വാഗതവും സെക്രട്ടറി സി.പി സദഖത്തുല്ല നന്ദിയും പറഞ്ഞു. ഇസ്മാഈല് കണ്ണൂക്കര, നവാസ് കോട്ടക്കല്, അജ്മല് നബീല്, കെ.പി സലാം, മുജീബ് കൊയിശ്ശേരി, റിയാസ് ബാബു, അജ്മല് ടി.കെ, മുനീര് പയന്തോങ്ങ്, സാബിത്ത് തലായി, ഷാനവാസ് സി.പി, സഹദ് കാര്ത്തികപ്പള്ളി, സൂപ്പി, കല്ലറക്കല് തുടങ്ങിയവര് നേതൃത്വം നല്കി.
Posted in: അനുസ്മരണം
